ريل بايت برجر جدة | المنيو ورقم الهاتف والعنوان

منيو ريل بايت

(Abbas Sharif)

حقيقي

الديكور جميل و المكان رايق

مطعم برجر جديد

يقدموا البرجر بخبز البطاطس

وهذه خلاصة تجربتي

سلطة بايت ممتازة جداً وكميتها كافية

ديناميت شريمب ما عجبني للأسف

بافلو شريمب جيد جداً كان يبغاله لذعة حرارة البافلو

برجر اللحم

اللحم طازج و وزن الشريحة ٦٠ جرام بداخل خبز البطاطس طعمها جيد جداً

برجر الدجاج

الدجاج مجمد و تتبيلته جيدة

البطاطس كويسة بالذات الكرينكل مع بهاراتهم

الخدمة ممتازة ممكن عشان ماكان في ازدحام

والله يوفقهم

 (ahmed Kaki)

كانت تجربه موفقه بدايه ضيفوني بشربه بحريات صراحه من الز مامر علي موزونه مليانه لسعه خفيفه

البرجر طلبت رييل دبل شريحتين لحمه مقمره من بره طريه من جوه علي عيش بطاطس صراحه مع كل لقمه في نكهه مختلفه عن المتوفر بالسوق كانت ابداعيه جدا

وبالنسبه للدجاج مقرمش جدا ولسعه حراره عاليه شويه بس ممتعه بكل لقمه شكرا لكم صراحه غداء السبت كان ممتع عندكم

 (كافيهات جدة)

للي يبحث عن السعر المناسب و النظافة و الطعم اعتقد ريل بايت راح يناسبه كثير ،، اسعار البرجر تبدأ من 10 ريال ،، ايضاً وجبة اطفال ويجي معاها لعبه ،، و المكان للافراد و العائلات

 (BASSEM)

والله ما شاء الله تبارك الله، الطعم طيب جداً اللهم لك الحمد، الدجاج واللحم نظيفه ولا فيها ريحه وما شاء الله خفيفه على البطن مو مثل المطاعم الثانيه، الخبز بالبطاطس والمايونيز لايت خفيف الدهون واللحم بلدي مبرد، تعليقي السلبي لشي واحد وسهل حله أن شاء الله اللي هو أن ريحة المحل ريحة طبخ القلي ويحتاج شفاطات أكثر، أو تقفيل المطبخ بحاجز من زجاج.

 (Moaath)

مطعم بالنسبة للموقع والمكان جميل و وسيع وممتاز للأفراد والعائلات .. بالنسبة للبرجر اللحم الجراند ممتاز البطاطس جيد والجمبري جيد والاسعار مناسبه .. يستاهل الزيارة

 (Aamer Al-Saiari)

مكان جميل جداً وهذي زيارتي الثانية .. زيارتي الأولى كانت في قسم الأفراد و الثانية مع عائلتي ..

البرجر جيد جداً طلبت المرة الأولى سينجل والثانية دبل كلهم تقريباً بنفس الحجم فاللي يبغى يشبع ياخذ طلبين سنقل اوفر له .. البطاطس لذيذة وكميتها ممتازة .. طلبنا داينميت شرمب ماعجبني .. جداً عادي والكمية قليلة والصوص قليل جداً جداً !! طلبنا كمان سبيشل فرايز طعمه عادي جداً .. طبعاً اتمنى لهم التوفيق ولكن لو جينا للمقارنة ففي محلات برجر أفضل بكثير .. فالهم التوفيق والتطور 👌

 (فواز الغامدي)

ما شاء الله تبارك الله مطعم جدا نظيف ورايحته نظيفه وفي معطر للجو مخلي ريحه المطعم دايم حلوه ونطيفه

الاكل جدا لذيذ وسعره مره حلو ورخيص باذن الله نشوف لهم فروع كثيره