مطعم سورا الكوري جدة | المنيو ورقم الهاتف والعنوان

منيو مطعم سورا جدة

(Mohammed Maddah)

من ارقى المطاعم الكورية في جدة ، جلساته جميلة وتقليدية و ديكوره جميل جدا

ومناسب لثيم المكان من دخولك من الباب احس انك دخلت مكان مميز في كل شي من الاستقبال للديكور للموسيقى والاضاءة .

الخدمة رائعة جدا ومقدمي الطعام عارفين  المنيو صح وبكل تفاصيله .

الاسعار تعتبر غالية ولكن كمية الاطباق كبيرة بالراحة كل طبق يأكل شخصين .

الشي مميز عندهم انهم يقدموا ضيافة شوربة وسلطة وشاي ومقبلا مشكلة زي الكيميتشي التقليدي .

طلباتنا كانت :

- سلطة الروبيان ( ٦/١٠ ) مو مرة عجبتني كان ناقصها بهار وملح ولكن الصوص تبعها كان مميز جدا .

- رز مقلي بالثوم (١٠/١٠) ممتاز جدا جدا ولذيذ ونكهة الثوم متوازنة وعالقد.

- ضلوع قالبي قوي  ( مليون وخمسمية الف و ثلاثين على ١٠ ) رهيب رهيب رهيب اتعب اقلك قد ايش كان الطبق ده مميز في نكهاته ودرجة استواء اللحم حاجة من الخيال .

- نودلز جاجنق ميون (٩/١٠) عبارة عن نودلز بالصويا لذيذة جدا .

التجربة كلها بشكل عام مميزة وغير عن باقي المطاعم واحلى شي انك تجلس بالجلسة الارضية وتعيش التجربة الكورية

 (H B)

مطعم كوري رائع اول مرة اجيه بعد الكورونا. طلبنا بمباب و لحم بلقوقي

الأسعار فوق الوسط بس يشبع صراحة. انصح ان البيض لا يكون مطبوخ

لانه المفروض الفخار مرة حار و يرمي بيضة نية مع الاكل الي في الفخار

و يخلطها مع بعض الأفضل تخلي الطباخ يخلطلك هيا لانه حيكون صعب مع ملعقة بلاستيك

 (Arwa Hassen)

الأكل رهيب وفرررريش هذا اللي يميزه ان الجودة من سنوات

نفسها بس لو يحدثون المنيو لان في اطباق لها شهور غير متوفرة.

اللي مو متعود على الأكل الاسيوي والنكهات القوية حار بارد

حامض حلو لا يجي ما راح يناسبه

 (Abdulrhman Bukhari)

اذا من محبين تجربة اكلات جديدة وفريدة لازم تجرب هذا المطعم رائع جدا جدا

الديكور والجلسات مستوحى من الحياة الكورية خصوصا لمن تجلس على الطاولات

المميزة تحس انك في كوريا فعلا مع الاحجار الباردة ذات احساس جميل وانت قاعد تاكل

الاكل شي لذيذ " اشق شعري وافتفت " من قوة الطعم

الملاحظة الوحيدة عندي انه المطعم اسعاره عالية شوية اذا كنتم من شخصين

لكن اذا جيت مجموعة كبيره وعائلة كبيره لن تحس  لانه الكميات المحطوطه هي للمجموعات كبيره

القطه تطلع ارخص😊

 (Raghad Fouad)

فيه جلسات كورية تقليدية وفيه جلسات عادية، الاطباق حجمها كبير والاكل لذيذ جدًا

اكثر الطلبات اعجبتني هو الكيمتشي رايس والدوكبوكي والكيمباب

يقدمون كضيافة شوربة او عصيدة وسلطة

 (ام رورو)

المطعم حلو والديكور جميل وهادي ورايق بس الاسعار شويه مبالغ فيها

ولو يوضفو واحد عربي مترجم بيكون كويس والاكل لذيذ للي يحبو نكهة

الصويا في الاكل ونظيفوالويترز لطيفين

 (Traveler2)

ممتاز الطعم غالي شويه بس يستاهل تجربة جلساته مميزه كانك بكوريا والطعم

رهيب والخدمة روعه بالذات القرسون اسمه لستر  رهيب يشرح لك كيف

طريقة الاكلات الكوريه ونفسه حلوه واقوى لايك بالحياه لكم 🌹

 (nuha Life)

مطعم رائع لمحبين الاكل الكوري نفسي

زرت المطعم اكثر من ٤ مرات وكل مرا اطباق جديده

للاسف مادونت كل الاطباق عشان انصح الناس فيها

بس اللي اتذكره النودلز اللي لونها اسود ابدا ماعجبتني

الرامن كان لذيذ لكن حااار جدا جدا

الرز المقلي بالخضار لذيذ جدا

الدجاج المقلي لذيذ

الشوربه البحريه لذيذه

اللحم لذيذ

القيمباب باللحم لذيذ وهذا طبقي المفضل

سعر المطعم متوسط

يقدمون مقبلات وشوربه صغيره

بعد الوجبه قدمولنا الايس كريم بالمانجا لذيييذ وموجود بالمنيو

 (محمد الحربي)

اول تجربه لي في الأكل الكوري لذا لا استطيع ان احكم ما اذا كان أفضل مطعم كوري

ام لا لكن بالتأكيد ما تناولته كان غاية في الروعة بحيث عزمت على تكرار الزيارة

تلو الأخرى المكان هادئ او يميل للهدوء بحيث تسمع الضحكات والكلام بشكل

خفيف جدا وهو ما يعطيك اريحية في أن تتكلم المعلومة المهمه والمهمة جدا

المطعم يريد أن يكسب الزبائن قبل المال كل ما تطلبه سيوفرونه لك بكل مرونه

لطيفين بشكل عجيب حتى في ادق التفاصيل بحيث لو انك اردت أن تثير مشكله متعمدا

لن تجد شيئ لتثير عليه المشكله مثلا عند الانتهاء ودفع الحساب طلبت

من الويتر قائمة الطعام(المينيو) لكي اصوره فاحضرها واحضر لي ولأختي صحن لطيف

من الفواكه (ملحوظة)/ اذا طلبت أكثر من طلب سيقدمون الطلبات واحد تلو الآخر الا

اذا طلبت أن ينزلوها دفعة واحده وذلك لكي يحافظوا على حرارة الطعام الأسعار

كمعدل ٧٥ ريال ومعظم الطلبات مقاسين كبير وآخر صغير وبعض الطلبات تكون

طبق واحد كبير لشخصين وهي قليلة مثل الاخطبوط /قد تكون بعض الأطباق غير متوفرة

مثلا أنا طلبت طبق الاخطبوط فلم يكن متوفرا /طلباتي كانت (ما نيل داك كالبي - سورا هوا بولغوغي)

لم يعجبني عصير النعناع لديهم

 (Turki Abdullah)

المقبلات المجانية:

- شربة رز: ١٠/١٠  يحتاجلها اضافة ملح

- تفاح مجفف: لذيذ جدا ١٠/١٠

- سلطة : الصوص لذيذ جدا ١٠/١٠

الطلبات:

- توك بوكي : لذيذ جدا بس حااااااااار 🔥🔥🔥 ١٠/١٠

- نودل اند رول ست: عادي جدا ١٠/٥

- دجاج مقلي: ١٠/٨

المكان جميل ورايق جدا على الاستايل الكوري

 (Abdulla Alkooheji)

مطعم كوري غالي نسبيا

يتم تقديم الشاي الأخضر الكوري مع الحساء (الشوربة) ,والسلطة ، بالإضافة إلى البرتقال المجفف مجانا

تجربة جيدة جدًا . يمكنك طلب وجبات مثل باقي المطاعم أو اختيار مجموعة كاملة من الطلبات

الخدمة جيدة كذلك والموظفين متعاونين

الجلسة مريحة والمطعم هادئ

لديهم طاولات عادية وطاولات على النظام الكوري وتكون الجلسة شبه أرضية