القائمة الرئيسية

الصفحات

 مطعم حديث مميز في جدة يختص بتحضير الشاورما العربية المميزة التي يحبها الجميع ، ويتميز باعتماده التام على اللحوم الطازجة عالية الجودة ومكونات الخبز الساخن كل يوم. ويتميز بتقديم العديد من الخيارات الشهية ، وذلك لضمان رضا عملاء المطعم عن كافة الأذواق.

مطعم ثوم وطحينة جدة | المنيو واوقات العمل والعنوان

منيو مطعم ثوم وطحينة

منيو مطعم ثوم وطحينة

منيو مطعم ثوم وطحينة

منيو مطعم ثوم وطحينة

منيو مطعم ثوم وطحينة

منيو مطعم ثوم وطحينة

منيو مطعم ثوم وطحينة

اوقات العمل:
  • أيام الاسبوع 11 صباحاً - 3 صباحاً
  • يوم الجمعة 1 ظهراً - 3 صباحاً
عنوان مطعم ثوم وطحينة:


بعض الاراء عن مطعم ثوم وطحينة:
(Jamil Kadah)
طلبت من عندهم عن طريق تطبيق كريم (الرائع) شاورما دجاج ولحم (خبز صاج) وبيتا دجاج، بصراحة كل واحد الذ من الثاني بس المشكلة ان الشاورما تجي صغيرة مرة على عكس الشاورمات اللي تجي بخبز الصاج كبيرة شوية (احسب حسابك لمن تطلب شاورما من عندهم تطلب حبتين مو حبة وحدة). اما البيتا دجاج (مكون ثلاثة ساندوتشات بالخبز الشامي) فكانت لذيذة مرة وصوص الثوم اعطى طعم جميل جدا للساندوتش والكمية باعتقادي انها كافية ومشبعة على عكس الشاورما. انصحكم تجربو المطعم بشدة عالية 😎👌🏻
 (azoz al)
مطعم ثوم و طحينة 🇸🇦:
.
📍شارع الأمير سلطان ، حي النعيم.
.
🍽 قائمة الطعام المقدمة: غداء ، عشاء.
.
🗒 الطلبات:
- شاورما دجاج سبايسي ١٠ريال (خفيف 😋).
- شاورما لحم سبايسي ١١ريال.
- صندوق شاورما دجاج ٤٦ريال (١٢قطعة،بطاطس،صوصين) البوكس بكل محتواه فنان  و بهارات البطاطس عذاب👌.
- صندوق شاورما لحم ٥٣ريال (١٢قطعة،بطاطس ،صوصين) جدا 😋.
- بيتا دجاج ٣قطع ١٥ريال (لذيذة)
- بيتا لحم ٣ قطع ١٧ريال ( مرة يمي)
- موهيتو فراولة ١٦ريال.
- عصير برتقال ١٥ريال (الحموضة 👌).
- ليمونادة ١٣ريال ( منعش ).
- أكثر من ١١ نوع من الصوصات المختلفة.
.
.
👨🏻‍🍳 الخدمة: ممتازة جدا .
.
.
💫التجربة: ممتازة، الديكور و الجلسات عملية جدا، حقيقي من ألد مطاعم الشاورما الي جربتها ، خفيفة على البطن و الطعم 😋، و الصوصات كل واحد يقول أنا ألذ أحترت فيها صراحة 😍😋🥰،الخدمة سريعة ، أكيد أعيد التجربة اذا ماأعتمدتو 😂.
.
⏰ أوقات العمل:
أيام الأسبوع من ١٠صباحًا -٢ صباحًا
يوم الجمعة من ١مساء-٢صباحاً
.
⛲ جلسات داخلية.
.
🚬 لايوجد معسلات.
.
🎶 لا يوجد موسيقى.
.
🚪لايوجد مصعد، لا يوجد بارتشن.
.
👼🏻 يسمح بدخول الأطفال.
.
🚙خدمة التوصيل عن طريق أغلب التطبيقات متوفرة
 (mohmed2366)
على الرغم من زيارتي الاولى لهذا المحل وارى ارتفاع السعر قليلا ولكن للأمانة موظف الكاشير كان تعامله جدا راقي جدا راقي .انا ما يهمني اذا طلبي اتأخر او لا ام شي الاهتمام بالزبائن .قدمو لي مشروب من المحل عوضا عن التأخير. جدا كانو يعرفون فن التعامل مع العملاء . ف فقط لتعاملك الراقي استحقوا خمس علامات كاملة اما بالنسبة للاكل فهو اقرب الى الامتياز انا اتكلم بصفتي محبا لشاورما الدجاج طلبت شيش طاووق وطلبت شاورما ساندوتش وطلبت شاورما فرايز . كنت احسب دجاج فقط طلع لحم ودجاج وبطاطس وصوص زي الجبنة اعتقد انا عجبني الدجاج مني من عشاق اللحم حتى  . والله البطاطس اللي جو السندوتشات وجو الشاورما فايز من افضل انواع البطاطس احسها مرة مرة مرة فرش احسنتم والله احسنتم .

عندي كم سلبية او عندي ملاحظة اتمنى انهم يحطونها في حسبانهم وذلك التحسين

اتمنى انهم لمن يحطو الصوصات يكلمو الزبون ويحاولون عن الصوصات اللي يبغاها .

تغيير الخبز الى خبز التورتيلا افضل .

والسلبية الأخيرة واللي تهمني الثوم ما ينفع يكون مسكر او كانه حالي ما ينفع مرة ما ينفع ثوم حلاوته يكون حاذق وطعم الثوم فيه واضح .هذا الثوم كانهم ضايفين له سكر للامانه مرة ما عجبني.

لكن وعلى الرغم من هذا تستحقون كل الاحترام والتقدير وخصوصا الكاشير . جدا جدا جدا كان راقي حتى زميله اكرموني بطريقتهم وكان الكرم عبارة عن كلام طيب ومحاولة ارضاء العميل فشكرا لكم واتمنى لكم كل الخير والتوفيق وانشالله تتحسنوا وتسيرون افضل .شكرا لكم
 (Mohammed Maddah)
مطعم متخصص في الاكلة المحببة لقلبي ( شاورما ) ، المطعم فيه كل مقومات النجاح ماشاء الله من جودة الطعم الى الخطة التسويقية .

المكان عبارة عن دورين لكن المنطقة العلوية مغلقة وفِي ٤ جلسات داخلية بالطابق الارضي .

المنيو عبارة عن شاورما لحم ودجاج بطريقة جميلة انهم مقسمينه الى قسم الثوم ( اللي هو عبارة عن شاورما الدجاج ) و قسم الطحينة ( اللي هو عبارة عن شاورما اللحم ) وفيه معاه بعض المشروبات والمقبلات .

الخدمة ذاتية والمطبخ مفتوح حيث تشوف طريقة تحضير الاكل قدامك .

طلباتنا كانت :

- شاورما دجاج سبايسي بخبز الصاج ( طعم الدجاج وتتبيلته مميزة جدا وطعم الحرارة فيه مناسب جدا لكن يحتاج صوص زيادة لانه تقريبا الساندوتش كان ناشف ويوقف بالحلق وصعب بلعه) .

- شاورما لحم سبايسي ( ممتازة جدا والصوص ممتاز ولذيذ ومتناسب مع كمية اللحم )

- فتة باذنجان ( رهيبة جدا خصوصا خلطة اللبن مع الثوم معطية طعم خطير ولكن كمية الخبز المقلي مقارنة بالباذنجان مرة كثيرة وغير متناسقة )

- حُمُّص سيراتشا( اول مرة اجرب حُمُّص بالنكهة دي ، كان الطعم مميز والحموضة فيه رائعة ولكن طعم الحمص وقوامه كان ضايع وخفيف جدا  والخبز اللي متقدم معاه كان شوية ناشف وباين انه غير طازج )

الاشياء اللي برأيي الشخصي تحتاج تعديل :

-  لما طلبنا قالنا الكاشير عشر دقائق ويكون الطلب جاهز لكن للاسف انتظرنا ٢٠ دقيقة الى ما خلص الطلب ( ما يصير يقولوا شي ما يقدروا يحققوه فعليا الافضل يلتزموا باللي يقولوه او ما يجيبوا سيرة الوقت انه خلال قد ايش حيخلص )

- طريقة استلام الطلبات بدائية جدا حيث انه شخص ينادي على الرقم وصوته كان جدا مواضح ولا محتوى كلامه واضح خصوصا مع الكمامة اللي لابسها ، الافضل يحطوا شاشة فيها الارقام واللي يجي رقمه يروح يستلم الطلب .

- التكييف كان جدا حار والتهوية في داخل المطعم غير مناسبة حيث انك تخرج من المكان وريحتك كلها شاورما !!!!

- بالرغم من وجود كاشير للطلبات الداخلية منفصل عن الطلبات الخارجية غير انه غير مفعل وكل الطلبات بتنعمل سوا وملخبطة على بعض في التحضير فالاافضل يخلوه كاشير واحد او يزودوا عدد العاملين خصوصا انه اغلب الطلبات طلبات خارجية وتبارك الرحمن جدا كثيرة .

- وجود المكان في منطقة مزدحمة وصعب تلاقي فيها موقف للسيارة .

- اهتمامهم الكلي على الطلبات الخارجية ومافي اي اهتمام بالطلبات الداخلية ( حيث انه الخدمة ذاتية بنفسك تجيب الطلب وتتطلب ، الطاولات اللي محطوطة للطلبات الداخلية بيجلسوا عليها العملاء ومناديب التوصيل للطلبات الخارجية ، الافضل وجود مدير ينظم المكان خصوصا للطلبات الداخلية ومنطقة انتظار مخصصة للطلبات الخارجية او الغاء الجلسات الداخلية تماما والتركيز على الطلبات الخارجية
reaction:

تعليقات