القائمة الرئيسية

الصفحات

مقهى مريح يقدم القهوة المتخصصة ومجموعة متنوعة من الشاي والمشروبات المميزة الفريدة ، جنبًا إلى جنب مع السندويشات الطازجة. مجموعة مختارة من الحلويات بالإضافة إلى ملفات تعريف الارتباط الدافئة المخبوزة في المنزل طوال اليوم

لوكلز كافيه جدة | المنيو واوقات العمل والعنوان

منيو لوكلز كافيه

منيو لوكلز كافيه

اوقات العمل:
  • يوميا من الساعة 7 صباحا وحتى الساعة 11:30 مساء يوم الجمعة من الساعة 9 صباحا وحتى الساعة 11:30 مساء
عنوان لوكلز كافيه:


بعض الاراء عن لوكلز كافيه تم نقلها من جوجل ماب:
(Mohammed Maddah)
ليا فترة طويلة بروح المقهى الجميل ده ولكن كل مرة يحصل شي وما اروحه خصوصا انه بسمع انه عندهم مشروب مميز  ومرة كنت متحمس اجربه .

المكان صغير جدا ولكن مريح جدا جدا من جد ده المكان اللي ينطبق عليه المثل " الضيقة في الصدور "

الجلسات متنوعة بين كنب و كراسي والديكور جميل جدا ومريح ، مرة احب الأماكن اللي الاضاءة الطبيعية تكون داخلة في الديكور و ألوان الديكور متناسبة .

العاملين بالمكان رهيبين وخلوقين جدا .

طلباتنا كانت :
- سبارك  ( الاراء اختلفت عالمشروب ده بين مرررة عجبهم او مررررة ما عجبهم ) هو عبارة اسبريسو مع موية غازية ونكهة فانيليا .

- افوقاتو( ١٠/١٠ ) يالله قد ايش رهيب المشروب ده يذكرني بشوارع مايوركا ، عبارة عن اسبريسو مع ايس كريم بنكهة الكراميل المملح .

- في مشروب كان بارد طلبوه اصحابي بناء على توصية   صاحبة المكان عجبهم بس للاسف ما جربته
 (Afrah Damery)
زياراتي للمقهى متعددة وفي كل مرة كانت تجربة ممتازة ومرضية جداً.... مكان صغير ورايق مع ديكورات بسيطة والاجواء مريحة للغاية مرة أحب أنه الواجهة قزاز والشمس تدخل المكان، وأحب اختيارات ودرجة صوت الموسيقى كخلفية...
القهوة محضرة بشكل ممتاز في كل الأنواع التي جربتها قهوة حارة أو باردة مثل الفلات وايت - الكورتادو – سبانيش لاتيه – سباركلز هو أحد المشروبات المشهورة والممتازة عندهم ....
منيو صغير من الأطباق والحلى ولكن كلها مختارة بعناية ولذيذة...
أوقاتي المفضلة للزيارة هي في منتصف النهار ...

الموظفين ودودين ومبتسمين دايماً وأصحاب المحل موجودين دايماً وهو عامل مهم للنجاح.

بالتوفيق
 (حسن Hasan البيتي Albaiti)
مقهى صغير حميمي متنوع الكراسي جنب بعض  وموسيقى هادئة والخدمة من الشباب السعوديين رائعة عندهم اهتمام بالزبون 👌🏼
جربت كروسون الجبنة والقهوة السوداء وكانت رائعة والسعر متوسط وعنده سندوتشات يمدحوها ان شاء الله المرات القادمة
 (Rawan s)
مكان مثالي ورايق في النهار لجلسة عاللاب توب أو مع صديق، لكن في الليل جداً إزعاج والموسيقى صاخبة ..
الكراسي مريحة رغم صغر المكان بس روحه حلوة وسهل جداً إنك تتعرف على اللي جمبك وممكن تلتقي بشخص تتقاطع معاه مهنياً أو شخصياً ، الموظفين فيه ودودين والقهوة جيدة ( عندهم لمسات مبتكرة اسألوهم عن توصياتهم ) ، والمخبوزات أيضاً والأسعار متوسطة ، طبعاً يستحقوا تكرار الزيارة .
 (adil abdullah)
كوفي جميل وهادئ
تعامل جدااا راااااقي مع الزبائن
القهوة كورتادو ممتازه جدا والكابتشينو مميزه عندهم
والحلا انواع ما شاء الله
ولكن دائما زحمه المكان
اسعارهم معقوله ويستحق تكرار الزياره
 (Huda ALTmimi)
المكان مره لطيف بالرغم الزحمه بس رايق الحلو كله لذيذ مره و القهوة جربت الكورتادو مع كاكاو كان مررره لذيذ الخدمه و التعامل في قمة الرقي و الذوق .. المكان صغير و لكن ماشاءالله مبارك الناس مهما كثرت تلاقي مكان
 (Sam)
مكان صغير جداً بسيط و متواضع ، يناسب اجواء مذاكرة تقريباً ، قهوة الامريكانو عندهم كانت ممتازة ، الحلا كيكة ليمون و توت جيدة ، الخدمة جيدة ، الميوزك غير مزعجة و مناسبة لستايل المكان ..
تجربة جيدة ٧.٥ /١٠
 (Nader Alotaibi)
الكوفي صغير يمكن عدد الجلسات ٥ طاولات لكن الديكور رائع والاضاءة. والقهوة والحلويات عندهم تجنن طلبت كيكة الجزر وكيكة التوت blueberry  مع لاتيه واهم شئ تعاملهم أكثر من رائع الموظفين خلوقين ومحترمين. يستاهل اكثر من فايف ستار وله زيارة ثانية وثالثة ورابعة و و و و. وانصح بتجربته
 (Rana Khayyat)
أعتقد إنه لوكالز يسووا أفضل قهوة مختصة في جدة. عادة أروح لهم عشان الأفوكادو توست و الفلات وايت بحليب الصويا اللي عندهم. أحب جو المكان و ديكوره و الموسيقى اللي يختاروها. بس لو يخفضوا أسعارهم شوية و يكون فيه مساحة كافية بين الطاولات مراعاة للخصوصية ♥️
reaction:

تعليقات