مطعم رويال الذهبية جدة | المنيو ورقم الهاتف والعنوان

يمكنك تناول وجبة من دولتين في مكان واحد ، حيث يقدم لك المطعم مجموعة متنوعة من الأطباق الصينية والهندية معا ، وللأطباق الصينية بها بعض الخيارات من نودلز او ارز بالدجاج او اللحم والصوص. الصينية ومن بين خيارات الأطباق الهندية المتوفرة دجاج التندور ، أرز برياني بالدجاج أو اللحم ، خبز النان ، السمبوسة وغيرها ، ويتم تقديم هذه الأطباق مع مجموعة متنوعة من الصلصات الخاصة التي تضفي نكهة خاصة على طعامك.

منيو مطعم رويال الذهبية

رقم الهاتف:

• 0126709205

اوقات العمل:

• يوميا من الساعة 1 الظهر وحتى الساعة 12:30 صباحا

عنوان مطعم رويال الذهبية:

بعض الاراء عن مطعم رويال الذهبية تم نقلها من جوجل ماب:

(ameen Jelani)

مطعم رويال الذهبية الزيارة كانت يوم الخميس وكان جداً جداً جداً مزحوم لدرجة اخذنا رقم وجلسنا انتظار خارج المطعم تقريباً 15 دقيقة 🤔

وبسم الله دخلنا وطلباتنا عبارة عن(دجاج بالزبدة بدون عظم - دجاج 65 ناشف - رز برياني بالدجاج - صحن بطاطس - جك عصير رويال موجيتو - خبز صاج بوراتا)

وماشاء الله تبارك الله الطعم جداً ممتاز والكمية وافية وكافية.

الدجاج بالزبدة مع البوراتا كان الذ صحن وجك العصير يسرسح عبارة عن برتقال وتفاح ونعناع واضافات ثانية حلوة

وكان نفسنا في برياني اللحم وللاسف حصلناه مخلص

ويعيب المطعم المواقف 🅿😒 ياحتلف كتير لين تلقى موقف

ونصيحة لاتجلس في الطاولة رقم 9  الطالع والنازل والعمال رايحين رادين من قدامك وازعاج😶

ولنا زيارة اخرى ان شاء الله👍

ومتوفر عندهم قسم للعوائل👪

 (Yasser Mohammed)

مطعم يقدم الماكولات الهندية وبعض من الاطباق الاسويه يعتبر من المطاعم الشعبية المتطوره وتوسع في الجلسات الداخلية خصوصاً العوائل الجلسات مغلقه وبنسبة للاكل مدقن ويفوز مقابل الخدمة والسعر على مستوي جدة يعيبة فقط عدم توفر مواقف للسيارات علماً لديهم خدمة المواقف مخصصين اشخاص يقومون بترتيبها وكذلك ماشاء الله الزحام اتمنا لهم التوفيق وتجربه تستحق التكررر ومن رواد المطعم بصفة دورية ...

 (Mohmad siddeg)

الاكل خرافي بمعني الكلمه يعجز اللسان عن التعبير  الخدمه والاجواء تعتبر ممتازه بس مواقف السيارات تتعب فيها وهذا بسبب كميه الزبائن الخرافيه الاكل عندهم من حلاوته يعدل لك مزاجك

كل اطباق الدجاج ١٠/١٠ بالذات الكورما موطبيعي جربت رز البرياني كان حلو مش دسم خفيف وخبز النان بالثوم روعه لو يخلوه يجي مع الطلب يكون افضل بس كمان لو يفتحو فرع ثاني عشان يقل الضغط علي فرعهم الوحيد

عتبي عليهم السعر الاطباق نوعا ما غاليه بس الطعم خورااااااااااافي لو في ١٠٠ نجمه كان عطيتكم

 (D7om Q)

يستاهل خمسة نجوم .. جلساته مستوره ومقفله فيها خصوصية .. كمية الطلب ممتازه وكافيه جدا .. تعامل الموظفين راقي وممتاز و خدومين .. الأسعار دون المتوسط .. لا يفوتكم دجاج الزبدة و برياني الدجاج روووعه أفضل طبقين عندهم .. و فطاير نان مرا لذيذه .

 (Saleh Hassan)

المطعم جيد والطعم ممتاز وشغلهم نظيف المكان شبه شعبي وقديم والديكورات تحتاج ترتيب اكثر وكذالك الجلسات تحتاج تنظيم اكثر من كذا

الجلسات اغلب شي تتسع لعدد اربع اشخاص ويجي شخصين ويجلسون عليها وصعبه تجلس مهم بقسم الشباب العيب الكبير بالمطعم المواقف غير متوفره ويوجد فوضى بالمواقف صفين وراء بعض وبشكل عرضي ويعيق حركه المرور وفوق هذا العمال هم من يقومون بصف السياره لك ويخالفون انظمه المرور يوقف مزدوج حتى اللي واقف بالداخل يطلع سيارته وعندما يخالفهم المرور من يتحمل المسؤوليه اكيد صاحب السيارت يحتاج مواقف اضافيه بالذات الزباين كثير على المطعم كما ان الحي متضجرين من وقوف الزباين امام منازلهم المجاوره للمطعم

 (Mohammed Maddah)

مطعم هندي بسيط ولكن لذيذ جدا

الاسعار فيه ممتازة جدا وتعتبر رخيصة مقابل الجودة وكمية الاطباق .

الجلسات عادية جدا ونظيفة والعاملين فيه ماشاء الله سريعين جدا وينظفوا بسرعة بالرغم من الزحمة الشديدة الا ان الشغل ماشي بكل سلاسة .

قائمة الطعام كبيرة ومتنوعة وفيها انواع مختلفة من المشويات والايدامات والمقبلات .

طلباتنا كانت :

- رز برياني سادة ( ٤/١٠ ) كان ناشف جدا ومافيه بهارات

- دجاج ٦٥ جاف ( ٥/١٠ ) درجة سوا الدجاج ممتازة وعصارتها لسة فيها ولكن طريقة تبهيرها مافيها اي طعم مميز .

- دجاج كاري ( ٩/١٠ ) رهيب ولذيذ ومميز ومبهر صح ، في كل لقمة تحس بنكهات كثير تدغدغ حواسك .

- دجاج جالفريزي ( ٨/١٠) لذيذ جدا وماعندي فيه اي تعليق سلبي  وفي المقابل مافيه شي يميزه.

- دجاج تكا بدون عظم ( ١٠/١٠) يقدموه مع ثلاث انواع من الصوصات( ثوم - نعناع - حار ) رهيب رهيب رهيب اتعب اقلكم رهيب الين بكرة ، مسوي صح ، طعم الشواء واضح وقطع الدجاج مو ناشفة ومنكهة بطريقة احترافية ومميزة جدا .

بشكل عام من المطاعم الهندية اللي اشتهيها من فترة لفترة وماشاء الله محافظ على مستواه الى الان وما اتغير ، عيبه الوحيد عدم وجود مواقف كفاية .

 (mustafa Suwaylih)

رويال احد اكثر المطاعم تميزًا في تقديم الاكل الهندي.

طلباتنا كانت عبارة عن دجاج زبدة كان جدا رائع كل شي مزبوط و السعر ٤٠ ريال شوي غالي! لحم كورما رهييب و سعره كان تقريبا ٥٠ ريال ! جمبري مساله كان أيضا مميز وسعرة تقريبا ٤٢ ريال و اخيرا دجاج ٦٥ حلو و سعره ٤٠! و لا ننسا البطاطس و الرز البرياني ب ١٠ ريال الواحد. للامان الاكل كان حلو ولا لكن الفترة الاخير كل شوي يرفعوا الاسعار . الطلبات تكفي من ٤-٥ اشخاص بالراحة

 (Malak Saleh)

ع بساطة المطعم والديكور العادي ..

إلا انك ترجع له بدون م تحس لأنو فعلا لزيز 👏🏽♥️♥️

كل طبق له نكهة مختلفة عن التاني وكميته تكفي

طلباتنا كانت 👇🏽

دجاج بالزبدة ب 38 ريال

دجاج 65 ب 38 ريال

دجاج جالفريزي ب 38 ريال

رز برياني سادة طلبنا 2 الواحد ب10 يجي معاه سلطة زبادي

خبر نان بالزبدة ب 4 ريال

خبز نان عادي ب3 ريال

طلبنا سلطة مشكل ب 10 ريال

وطلبنا 2 بطاطس الواحد ب 10 ريال

كنا 7 أشخاص وطلع حسابنا 190 ريال مع 4 ببسي و4 مويا

ضروري تجربونه 👏🏽

 (hisham .o)

الذ مطعم هندي في جده من وجهة نظري .... كنت مدمن مطعم شيزان الهندي من عام ٢٠٠٥ تقريبا لحد ماجربت رويال الذهبية 😋 تركت شيزان ولاعاد رحت له .... ميزة رويال الذهبية ان الأكل تذوق فيه النكهه الهندية الأصلية وغير كذا اسعاره 👍👍👍👍 يعني اليوم اخذت من عندهم دجاج خمسه وستين ودجاج بالزبده ودجاج تكا مسالا مع واحد رز برياني ساده وسلطة زبادي و٤ حبات فطيره كان المجموع ١٣٠ ريال فققققط .... المطعم دورين الأرضي شباب وفوق العوائل وقسم العوائل عباره عن غرف مغلقه يعني تأخذ راحتك مع اهلك .... مشكلة المطعم المواقف قليله والديكور عادي مافيه فخامه

 (Mohammad Gusti)

مطعم متواضع من ناحية السعر و الموقع و الترتيب ولكن هذا سبب يخليه مطعم جداً ممتاز. لان نظافة الاكل و الجودة تفوق التوقعات قبل تدخل المطعم. اكلهم مرة لذيذ و سعر مناسب جداً و يعتبر رخيص. و المطعم نظيف من الداخل و حتى دورات المياه مع ان المطعم زحمة طوال الوقت. المشكلة الوحيدة ممكن الموقع و عدم وجود مواقف كافية. ولكن دائما اقترح المطعم دا لمحبي الاكل الهندي و ايضاً قد يكون منافس للمطاعم الغالية و الخمس نجوم من ناحية جودة و طعم الاكل.

 (Rahaf)

الذ مطعم هندي في جدة وربي اكله دمااااار ونظيييف طلبنا

دجاج بالزبده واقيمه ١٠/١٠ سعره ٣٦

تكا مسالا مررره لذيذ بس صراحه دجاج بالزبده الذ تمنيت اننا طلبنا اثنين دجاج بالزبده اعطيه ٩.٤/١٠

برياني دجاج وجاء معاه صحنين سلطه لبن مررره لذيذ البرياني ورخييييص سعره ب٢٢ ريال طبعا ١٠/١٠

وبرياني رز ساده عشان الايدامات مره لذيذ

كل ايدام يجي معاه خبزتين من الخبر اللذيذ

والمشروبات فيه عندهم سيرز مره عجبتني الفكره لانه كل ما اروح مطعم اتأذى انو كله مشروبات غازيه

عموما هذا مطعم احلامي ويمكن لو اروح الهند بكبرها ما بذوق اكل لذيذ زي هذا وتخيلوا هذا كله والسعر ١٠٨ وربي مره رخيص ويستاااهل وباقرب وقت بارجع له

فيه عيب اللي هو انتي تقومين تطلبين بنفسك مايجيك ويتر بس عادي اقوم اطلب لنفسي دام اكلهم رخيص ولذيذ

 (MOHMMAD MOHDER)

اللي ما عجبه المطعم للاسف ما عرف ايش يطلب  من المطعم هذا مطعم هندي يعني تطلب دجاج ٦٥ او ماسالا او بالزبدة والله العظيم انا من زمان كنت  اطلب من شيزان اللي في طريق الملك  بس صراحة رويال اطعم قرات التعليقات الي يقلك البطاطس سيئه واللي يقلك الشربة سيئه محد يروح مطعم هندي ويطلب بطاطس و شربة شوف ايش اللي عليه طلب واطلبه حتى الجمبري مو ذاك الشي لانو الجمبري تحسه مزارع مو طازة  الافضل عندهم الدجاج والبرياني والعيش النان حتى عصيارات طازجة ما عنده خذ من برة للي ما يشرب غازيات

 (ahmed obaid)

السلام عليكم ورحمة الله وبركاته

اسعد الله أوقاتكم بكل خير

مطعم رويال الذهبية

دوام المطعم من بعد صلاة الظهر الي صلاة المغرب

و من بعد صلاة العشاء الي الساعة 12م ويغلق

ايّام الخميس و الجمعة و السبت جداً مزدحم

ولا يوجد لديهم حجز طاولات بالهاتف

اما بالنسبة للنظافة جداً نظيف

الاكل ممتاز و كميات الطلب كبيرة وممتاز طعمة

الأسعار متوسطة

انصح فيه في وسط الأسبوع يكون شبة فاضي وهدوء

 (Mohammed Abu Hajar)

المطعم رائع على خلاف المتوقع سواء من موقعة ولا ديكوره ولا المنيو حقه، لكن بمجرد ما تبدأ في الخوض بتجربة الأكل من أول ملعقة شوربة ستفهم وتتفهم أنه مطعم محترم، الدجاج بالزبدة صوصه رائع وقطع الدجاج مسحب طريةوغنيه بالنكهة، والبرياني باللحم رائع واللحم مطهو لدرجة الصحيحة، والجمبري الكورما لذيذ ورغم صغر الجمبري لكن مقارنته بسعرة يعتبر مميز، فاتورة لشخصين وأكل لأربعة أشخاص ب ١٦٤ ريال يابلاش

تعديل المقال