يحظى شرمب فايبز بشعبية بين السكان المحليين والسياح من مختلف المناطق بسبب قائمة المأكولات البحرية المميزة يقدم لك المطعم مجموعة كبيرة من أطباق الجمبري المحضرة بعدة طرق مختلفة ، ومن بين الأطباق الخاصة بالمكان طبق الشرمب الذي يستحق التجربة.
منيو شرمب فايبز
رقم الهاتف:
- 0559440484
اوقات العمل:
- يوميا من الساعة 1 ظهرا وحتى الساعة 1 بعد منتصف الليل
عنوان شرمب فايبز:
بعض الاراء عن شرمب فايبز تم نقلها من جوجل ماب:
(Semo Honey)كانت تجربتي الاولى مع نوعية تقديم الطعام بالشكل هذا وصراحة اعجبني لذيذ الاكل .. جلساته مريحة وجميلة .. طلباتي كانت مكس جمبري ومحار وسرطعان مع صوص الثوم والزبدة لذيذ جدا تقيمي له 10/10 وشوربة سي فود لذيذة جدا تقييمي لها 10/10 .. ومحار بالجنبة والصوص لذيذ التقييم 9/10.. انصح بزيارته
(عبدالله صالح)الجمبري نظيييف جداً و طازج و الطعم فوق الخيال .. مشروبات الموهيتو لذيذه .. النظافه و الخدمة على اعلى مستوى و اللي محتار في طبق معين يسأل محمد منصور .. للأمانه رجل خلوق و خدوم و البركه بالباقين .. شباب سعوديين نفخر فيهم والله
(Mohammed Maddah)اكتر ما يميز المحل ديكوره الجميل والهادىء ويعطيك شعور بالراحة وانك نفسك تجلس فيه اكثر ، الموسيقى اللي حاطينها مناسبة لثيم المكان .الخدمة احترافية وممتازة جدا .المنيو تقريبا زي باقي المطاعم اللي تقدم نفس النوع من الاكل .سرعة وصول الطلبات كانت عجيبة ووصل الاكل حار ومضبوط .طلباتنا كانت :- كيس جمبري بالكيجن ودرجة حرارة ٤٠ ( ممتاز ومطيره تمام والبهار عالقد ).- كيس كراب بالكريمة ( صوص الكريمة ممتاز جدا ودرجة حرارته رائعة لكن نفس نوع الكراب وطريقة تقطيعه ما كانت مناسبة ، اتمنيت لو جابوا معاه ادوات تقطيع الكراب) .- قمبري مقلي بصوص البانق بانق ( اكتر طبق كان مميز من القلب والطعم وتركيبة الصوص ولا غلطة ).- عصير موهيتو بالباشن فروت ( يارباه على الانتعاش واللذة اللي في العصير ده ، حيكون عصيري المفضل في الفترة الجاية ).بشكل عام يستحق الزيارة وبجدارة واتمنى يستمروا على نفس المستوى .
(Khalid Althomali)بسم الله الرحمن الرحيم؛الحقيقه تجربتي كانت جدا رائعه ، و أكثر من الرائعه ، أتكلم عن إيش و على إيش ، راح أبدا تقييمي على شكل نقاط:● الأكل:طلبت 2 جمبري ( ميكس ) حراره 20 و 2 رز1 بيبسي ، 1 موهيتو فراولهالكميه جدا رائعه و لذيذه جدا ، كانت حاره و كثيره ماشاء اللهالموهيتو حقيقه صدمني بشكل فضيع كان جدا حلو.تقييم لتجربة الأكل 10/10.● أجواء المطعم :من عوامل نجاح المطاعم الديكور و تصميم المطعم ، جدا جميله الألوان و مريحه ، التصميم الداخلي جدا مريح ، ماكانت ريحة الأكل طاغية في المكان و ماشميت أكل أصلا ، صوت الموسيقى كان جدا بسيط ، بالرغم إن بدون موسيقى يكون أفضل ، أقترح عليهم لو فيه مؤثرات صوتيه بدال الموسيقى يكون أفضل 👍.تقييم لأجواء المطعم 10/9.● النظافه:النظافه و الترتيب كانو جدا واضحين ، أدوات الأكل و ترتيب الطلبات للطاوله شيء جدا متقن ماشاء الله.تقييم للنظافه 10/10.● الضيافه :تعامل الموظفين جدا رائع و راقي و أعتقد هذا أهم شيء في نجاح أي مطعم ، حسيت بالراحه داخل المطعم ، طاقة الموظفين ماشاء الله حلوه ، و إهتمامهم بالتفاصيل جدا شيء راقي ، حقيقه راح أكرر التجربه مليون مره .تقييم للضيافه 10/10.☆ السعر مقابل اللي فوق كله يستاهل في حدود المعقول للكميه و الخدمات .☆ أنصح فيه و بشده
(Bdour allehyani)أول تجربة لمطاعم من هذا النوع وكانت تجربة موفقة .طريقة الطلب 📝تختار نوع المأكولات البحرية ثم نوع الصوص ثم درجة الحرارة اللي تبغاها .البحريات🦞🦀 (جمبري ، كراب ، محار ، لوبستر )فيه أنواع مختلفه من الصوصمثل " الكيجن ، الزبدة والثوم ، ليمون بالفلفل ، كريمي ..."اخترنا جمبري مكس صوص[ بهارات الكيجن مع الليمون والفلفل ]78 ريال 💸الجمبري مطبوخ 👌🏻 تمام 'ماهو قاسي ولا ذايب'الصوص لذيييييذ وحاااذق وموزون مع الفلفل 👌🏻رز أبيض 8 ريال 💸 .مشروب غازي 5,75 ريال 💸 .أصابع دجاج مع البطاطس والعصير 27 ريال 💸< إذا معكم أطفال ما ياكلون بحريات .🤗
(Baheej Shouman)جيد جدا من احسن مطاعم الشرمب بجدة اكياس الجمبري ممتازة يمكن تجربة جميع الانواع افضل بالكريمة جيد جدا و الكيجن جيد ايضا الشريمب المقلي رائع جدا و شيزي مصلز رائع يقدم العصائر طبيعية مناسب جدا للاطفال الاجواء جميلة داخل المطعم و نظيف جدا الاسعار مناسبة جدا نوعية الجمبري طازجة و ممتازة بشكل عام تجربة ممتازة و ينصح به للجميع بلا استثاء
(Abdullah Mohammed)بصراحة مريت المطعم صدفه وتعشيت فيه وكان الاكل جداً لذيذ 👍🏻☺️ غير حسن الاستقبال وابتسامة الموظفين تكفيك من يوم تدخل المحل شكراً لكم واتمنى لكم التوفيق ولي زيارات ثانيه
(Msaed Snyor)صاحبي طفشني كل شويه يسالني ها كيف ؟فاخبرته مطعم ابوك !!! سوف اقيمه خمسة نجوم اخرس !!المطعم نظيف وممتاز لاكن البهارات زايده .. اهني صديقي عبودي على المطعم لاكن طول وقت الغداء وهو يسالني ها كيف !! نصيحة ابتعدو عن الناس الي مثل هاكذا وشكرا
(Dalia Qashqary)الطلبات:بطاطس كيجن .. مع انه معروف طعمه الا انه بهاراته نسبتها جيدةكاليماري مقلي .. الصوص اللي يجي معاه مضبوط وممتاز ومافيه حموضهالجمبري بصوص الكيجن .. الجمبري مطبوخ تمام ماهو مهري مره ولا قاسي مرهوبهارات الكيجن مضبوووطة وماهي لاذعهعصير موهيتو فراولة ممتازانصح بالمطعم وبقوووووة 😻
(Moesaqqaf Saggaf)المطعم ماشاءالله مرتب. و الديكور جميل طلبنا الجمبري بي الكزبره و الليمون حراره عاديه كان الاكل وصل حار و الجمبري نفسه نوعيته ممتازه و نكهه الكزبره و الليمون كانت مره لزيزه و خوارفيه زابطينها و طلبنا كمان كالاماري كان كرسبي و لزيز و طعمه ممتاز و كميته مليانه و طلبنا جمبري بي الكنافه اسمه شريمب ديبيرز عباره عن جمبري مقلي برقائق الكنافه الجمبري نفسه قليه ممتاز و كرسبي بس كان مليان صوص شويه وماحبينا نكهه الصوص كتير فيضل يقدم الجمبري كماهو و الصوص يكون على جمب او يكون صوص باختيار الزبون على جمب او مغمور بي الجمبري نكهه الصوص الحاليه هيفضلها الناس الي يحبوا الكتشب بس في ناس ماتفضل دي النكهه و طلبنا كمان استاكوزا تيجي كا اربعه قطع ماشلءالله مره لزيزه كانت طريه و ممتازه ماتحسها الاستكاكوزاز المفرزنه من قرورن و وصل الطبق ساخن و كان بنكه المكس عباره عن الكيجن مع نكهه فلفل و ليمون النكه هيفضلها الناس الي يحبوا البهارات الخفيفه انا ماحبيتها مره لاني افضل النكهه المتركزه. المتسبكه اكتر و للمشروبات طلبنا موهيتو باشن فروت طعمه لزيز و بارد و منعش و كميته ماشاءالله و اكيدا هروح تاني اجرب باقي الطلبات و النكهات )( نكهه الكزبره و الليمون لازم تطلبوهاااااا خوارفيه)
(Fahad Almalki)جلسات رايقه .. مكان رايق .. خدمة الزبون في كل شيء يحتاجونه .. عندهم فريق عمل جبّااار بصراحة .. يستقبلوك بإبتسامة وترحيب .. يتابعونك إلى حد ما تجلس .. الطلبات ما تتجاوز 20 دقيقة وتكون جاهزة على الطاولة .. يستاهل خمس نجوم ويستاهل التجربة 👏🏻👍🏻